भरले कारले भाजी

कारल्याची भरून भाजी

भरले कारले भाजी

Bharale Karlyachi Bhaji

साहित्य : 

 • छोटी कोवळी कारली पाव किलो

 • तीळकूट चार चमचे खोबऱ्याची पूड चार चमचे

 • लाल तिखट दोन चमचे धने - जीऱ्याची पूड दोन चमचे • खसखस भाजून दोन दोन छोटे कांदे चिरून तेलावर परतून

 • कच्चा मसाला दान चमचे

( एक चमचा धने + तीन - चार लवंगा + एक तुकडा जायपत्री + तीन वेलदोडे + अर्धा चमचा जिरं मिक्सरवर बारीक करून घेऊन ती पूड ) · चिंच - गुळाचा कोळ अर्धी वाटी .

 कृती : 

 • आदल्या रात्री किंवा करण्याच्या दोन दिवस आधी कारली सोलून त्याचे बरोबर दोन भाग करावेत . दोन्ही टोकाकडील भाग काढून टाकावेत . • आतल्या बिया काढून टाकाव्यात . नंतर कारल्यांना मीठ व हळद लावून काही वेळ तसंच ठेवावं . • साधारण दोन तासांनी कारली व्यवस्थित पिळून घ्यावीत . ज्यांना त्याचा कडवटपणा आवडत असेल त्यांनी कमी पिळावीत . • पिळलेली कारली पसरून घेऊन त्याच्या खोलगट भागात तीळकूट , खोबऱ्याची पूड , खसखशीची पूड , धने - जिरे पूड , कच्चा मसाला , कांदा परतलेला व कोथिंबीर यांचं मिश्रण त्यात भरावं . • चवीपुरतं मीठ व हळदही घालावी . मोठया पसरट भांड्यात तेलाची फोडणी करून त्यात कारली घालावीत . • मंद आचेवर भाजी शिजू द्यावी व शिजतानाच त्यात चिंचगुळाचा कोळ घालावा . • कारल्याचे जर दोन भाग करायचे नसतील तर कारल्याच्या पाठीवर एक छेद देऊन आतल्या बिया काढून टाकून साधारणपणे कारली पिळून घ्यावी . • कारल्याम्ध्ये वरील मसाला भरून मसाला बाहेर येऊ नये यासाठी कारलं दोऱ्यानं बांधून ठेवावं . रश्श्यासाठी कढईत फोडणी करून त्यात तीन - चार वाट्या पाणी घालावं पाणी उकळत असतानाच त्यात तिखट , मीठ , कोथिंबीर , चिंच - गुळाचा कोळ घालावा . • रश्श्याला दाटपणा येण्यासाठी थोडंसं म्हणजे दोन छोटे चमचे डाळीचं पीठ व तीळकूट त्यात घालावं . · रश्श्यात बांधलेली कारली मऊ होईपर्यंत शिजू द्यावी . सगळी कारली शिजल्यावर त्यावर बांधलेला दोरा कापून टाकावा .

Ø कारले हे चवीसाठी अत्यंत कडू म्हणून प्रसिद्ध आहे. आपल्या ताटात ही भाजी पाहिल्यावर अनेक जण नाक मुरडतात. पण, जर आपण चवीचा घटक बाजूला ठेवला तर ही कडू भाजी तुमच्या शरीराला अनेक पोषक तत्वांचा पुरवठा करते.

Ø कारल्यामध्ये जीवनसत्त्वे B1, B2, आणि B3, C, मॅग्नेशियम, फोलेट, झिंक, फॉस्फरस, मॅंगनीज इत्यादी पोषक घटक असतात. याव्यतिरिक्त, त्यात आहारातील फायबर देखील चांगले असते. आयर्नचे प्रमाण जास्त असण्याव्यतिरिक्त, कारल्यामध्ये पालकापेक्षा दुप्पट बीटा-कॅरोटीन आणि कॅल्शियम आणि केळीपेक्षा दुप्पट पोटॅशियम असते.

कारल्याचे फायदे 

1 कारल्यामध्ये दाहक-विरोधी गुणधर्म असतात ज्यामुळे ते शरीराची रोगप्रतिकारक शक्ती वाढवते. हे अनेक प्रकारचे संक्रमण आणि रोगांशी लढण्यास मदत करते. त्यामुळे जर तुम्ही वारंवार आजारी पडत असाल तर तुमच्या आहारात कारल्याचा समावेश करावा.

2 कारल्याच्या रसामध्ये बॅक्टेरिया आणि बुरशीजन्य संसर्गाशी लढण्याची क्षमता असते. त्यामुळे त्वचा नैसर्गिक पद्धतीने चमकते. यामध्ये असलेले व्हिटॅमिन ए आणि व्हिटॅमिन सी वृद्धत्वाच्या लक्षणांना प्रतिबंधित करते आणि चेहऱ्यावरील डाग कमी करते.