गोळ्याची आमटी

गोळ्याची आमटी

साहित्य :

दीड कप बेसन ,

३ मोठे कांदे बारीक चिरून ,

१ चमचा आलं - लसूण आणि हिरवी मिरचीची पेस्ट ,

अर्धा चमचा धनेपूड ,

अर्धा चमचा लाल तिखट ,

पाव चमचा हळद ,

२ चमचे खोबरं ,

२ ते ३ लवंगा ,

कोथिंबीर ,

१ चमचा कांदा लसूण मसाला ,

३ चमचे तेल ,

गरम पाणी ,

चवीनुसार मीठ ,

कृती :

गोळे बनवण्यासाठी बेसनामध्ये लाल तिखट घाला . धनेपूड , हळद घाला . त्यानंतर मिरचीचा ठेचा घाला . कोथिंबीर आणि मीठ घाला . अगोदर हे सगळं व्यवस्थित | मिसळून घ्या . थोडंसं तेल घाला . हाताने व्यवस्थित कालवून घ्या मग थोडं थोडं पाणी घालून याचा गोळा करून घ्या , यावर झाकण ठेवा . दहा मिनिटे बाजूला ठेवा . ओलं खोबरं , लसूण व कोथिंबीर मिक्सरमध्ये फिरवून घ्या . कढईत तेल गरम करून घ्या . त्यात बारीक चिरलेला कांदा घालून सोनेरी रंग येईपर्यंत परतून घ्या . कांदा परतेपर्यंत वर तयार केलेल्या गोळ्यातून छोटे छोटे गोळे करून घ्या गोळे खूप मोठे करायचे नाहीत कारण आमटीत ते शिजतात व मोठे होतात . कढईत वाटण घाला . कांदा - लसूण मसाला घाला . लाल तिखट , धनेपूड आणि मीठ घाला . दोन मिनिटे व्यवस्थित परतून घ्या . गरम पाणी घाला . पाण्याचा वापर थोडासा जास्त करा . कारण गोळे शिजतात तशी आमटी घट्ट होते . आता यामध्ये गोळे सोडा . झाकण ठेवून १५ मिनिटे शिजवून घ्या . गोळे व्यवस्थित शिजले की ते तरंगतात . वेळ जातो तसतशी आमटी दाटसर होते . कच्चेपणा राहता कामा नये . गोळे मऊ झाले पाहिजेत . ही आमटी भाकरीबरोबर जबरदस्त लागते . चपाती , पराठा व भाताबरोबरही छान लागते .