मूगडाळ तडका

मूगडाळ तडका

 साहित्य :

 अर्धा कप मूगडाळ ,

१ चिरलेला टोमॅटो ,

बारीक चिरून कोथिंबीर पाने ,

१ चमचा तूप ,

२-३ चिरलेल्या मिरच्या ,

चवीनुसार मीठ ,

१ चमचा लसूण पेस्ट ,

८-१० कढीपत्ता पाने ,

पाव चमचा हळद ,

पाव चमचा हिंग ,

अर्धा चमचा मोहरी ,

कृती :

 २-३ वेळा पाण्यात मूगडाळ चांगली धुवा . डाळ प्रेशर कुकरच्या डब्यामध्ये घ्या . त्यात पाणी , टोमॅटो , हळद घालून मिक्स करा . झाकण ठेवून मध्यम आचेवर ३ ४ शिट्ट्या करून शिजू द्या . झाकण काढा आणि डाळ चांगल्या तऱ्हेने मॅश करा . डाळ एका पॅनमध्ये काढा . एकजीवपणा येण्यासाठी पाणी घाला . जसा वेळ जातो तशी मूगडाळ घट्ट होत जाते . त्यामुळे त्यानुसार पाणी कमी - जास्त करा . गॅस चालू करा . पॅनमध्ये डाळ घेऊन त्यात चवीपुरते मीठ घाला . चांगले मिक्स करा आणि उकळी आणा . तापलेल्या तडका पॅनमध्ये तूप गरम करून घ्या . त्यात मोहरी घाला आणि ती तडतडू द्या . त्यात जिरे घालून ते चांगले तडतडू द्या . आता त्यात हिंग , लसूण पेस्ट व तळलेला लसूण घालून मिक्स करा . जेव्हा लसणाला छान तांबूस रंग येतो तेव्हा त्यात कढीपत्ता आणि हिरव्या मिरच्या घाला . चांगले मिक्स करा . उकळत्या डाळीवर हा तडका घालून गॅस बंद करा . कोथिंबीर घाला .

टीप : हे तुम्ही सूप म्हणूनही खाऊ शकता . तुम्ही चपाती , नान , फुलका याबरोबरही सर्व्ह करू शकता . साध्या भाताबरोबरही छान लागते .