Champions Trophy 2025 चा तिढा १ डिसेंबरपूर्वीच का सोडवण्यात आला, जाणून घ्या खरं कारण

नवी दिल्ली : चॅम्पियन्स ट्रॉफीचा तिढा आता सुटला आहे. पाकिस्तानने आता चॅम्पियन्स ट्रॉफीसाठी हायब्रिड मॉडेल मान्य केले आहे. पण हा चॅम्पियन्स ट्रॉफीचा तिढा १ डिसेंबरपूर्वीच का सोडवण्यात आला, याचे एक मोठे कारण आहे. आयसीसीच्या बैठकीनंतर हे कारण आता समोर आले आहे.

त्यासाठीच आयसीसीने घेतली ३० नोव्हेंबरला बैठक

पाकिस्तान काहीही करून ऐकायला तयार नव्हती आणि आक्रमकपणे सांगत होती की, भारताने आमच्याच देशात खेळायला यावे. पाकिस्तानने ही बाजू एवढी लावून धरली होती की, एकवेळा यजमानद जाईल पण पाकिस्तान आपल्या मुद्दयांवर ठाम राहील, असे म्हटले जात होते. पण अखेर ३० नोव्हेंबरला आयसीसीने एक बैठक बोलावली आणि या बैठकीत हा तिढा सोडवण्यात आला. पण काहीही करून १ डिसेंबरपूर्वी हा तिढा सोडवण्याचे ठरवले होते आणि त्यामध्ये आता यश आले आहे.

१ डिसेंबरपूर्वी हा तिढा का संपवायचा होता....

आंतरराष्ट्रीय क्रिकेटमध्ये १ डिसेंबर ही तारीख महत्वाची आहे. कारण येत्या काही वर्षांसाठी ही तारीख सर्वात महत्वाची ठरणार आहे. कारण आता १ डिसेंबरला जय शाह हे आयसीसीच्या अध्यक्षदावर विराजमान होणार आहे. जय शाह हे आयसीसीचे अध्यक्ष होणार हे काही दिवसांपूर्वीच ठरले होते. पण अधिकृतपणे ते आयसीसीच्या अध्यक्षपदाचा भार हा १ डिसेंबरपासून हाती घेणार आहेत. जय शाह हे आयसीसीच्या अध्यक्षपदावर विराजमान झाल्यावर जर त्यांनी पाकिस्तानबाबत निर्णय घेतला असता, तर काही जणांनी जय शाह यांनी पक्षपात केल्याचा आरोप केला असता आणि आयसीसीच्या अध्यक्षपदाला बट्टा लावला असता. कारण यावेळी चॅम्पियन्स ट्रॉफीचा जो तिढा होता तो भारत आणि पाकिस्तान यांच्यात होता. जय शाह हे भारताचे आहेत त्यामुळे त्यांनी पाकिस्तानविरोधात निर्णय घेतला, असे म्हटले गेले असते. त्यामुळे जय शाह यांनी आयसीसीचा पदभार स्विकारण्यापूर्वीच आयसीसीने हा निर्णय घेतल्यामुळे कोणीही आता पक्षपाताचा आरोप करणार नाही.

जय शाह आयसीसीचे अध्यक्ष होण्यापूर्वी आता चॅम्पियन्स ट्रॉफीचा तिढा सुटला आहे. त्यामुळे आता त्यांच्या अध्यक्षतेखाली ही स्पर्धा सुरळीत पार पडेल, असे आता म्हटले जात आहे.